साझाको पहिलो यात्रा………..


पछिल्ला दिनहरुमा मैले साझा बस साझा बस भनेको खुब सुन्ने मौका पाएँ । साझा बसले नै नेपालको सम्पुर्ण यातायात ब्यवस्था धानेझैँ गरी होहल्ला मच्चियो पछिल्ला दिनहरुमामा यो राजधानी शहरका सबै मिडियाहरुमा । हुन त काठकाण्डौमा बस्नेहरुलाइ नेपालमा काठमाण्डौ बाहेक अन्त पनि ठाउँ छन भन्ने त्यत्ति हेक्का हुँदोरहेनछ र हो कि? तै, जे भएपनि यो साझाबस भन्ने चिज कस्तो रहेछ, कैले चढ्न पाइएला भन्ने कौतुहल मनमा रहिरह्यो भलै दशैँका बेलामा घर जाँदा वाक्दै जानुपर्दा र त्यही हालतमा काठमाण्डु फिर्नुपर्दा गाडी देख्यो कि कोपरिहालुँ झैँ लाग्छ, त्यो कुरा आफ्नै ठाउँमा रहोस् ।

Imageसाझा चढ्ने रहरलाइ बाँध्न नसकेर यो सेवा पुन: सुचारु भएको पहिलो दिन (उद्घाटन चैत्र ३१ मा भएपनि) बैसाख एक गते म र संचारकर्मी साथी गणेश आचार्यलाइ फोन गरेर ‘साझा चढ्न जाउँ’ भनेँ । उनी पनि फुर्सदमै रहेछन क्यारे ! मेरो प्रस्ताव सहर्ष स्विकारे । हामीहरु बानेश्वरबाट सिनामंगलसम्म जाने बिचार गरेर साझा बसमा चढ्यौँ ।

Imageनाम जस्तो उस्तै चमकदमक थियो साझाको । नयाँ बस, भर्खरै प्लास्टिक उप्काएका चिल्ला सिटहरु । भर्खरै प्रेममा परेका ठिटाठिटी झैँ मुस्कुराइ रहेका यात्रुहरु (सायद सबैले रुट परेर नभइ ट्राइ मार्न चढेकोले होला एक अर्कामा मुखामुख गर्दै हाँसिरहेका देखिन्थे) । भित्र छिरेर सिटमा ‘तसरिव’ टेकाउन नपाउँदै साझाकी परिचालक महिलाले १५ रुपियाँको टिकट ल्याएर हातमा थमाइदिइन् । मैले मसंग त बिद्यार्थी परिचय पत्र छ भनेँ तर उनले ‘टिकट काटिसकेँ मैले, कि पहिल्यै भन्नुपर्थ्यो’ भनिन् । मैले चुप लागेर २ जनाको तीस रुपियाँ उनलाइ दिएँ । बस मीनभवन पुग्दैगर्दा बाहिर यात्रुले हात तेर्स्याउँदै थिए तर चालकले गाडी रोकेनन् । पछि सोध्दा भन्दैथिए त्यहाँ साझाको यात्रु स्टप हैन रे ।

IMG_0319बस तीनकुनेमा पुगेर रोकियो । परिचालकले चालकलाइ ‘दाइ दाइ ढोका खोल्नुस न’ भन्दैगर्दा बस गुडिहाल्यो र चालकले जवाफ फर्काए-”गुडेको बसको ढोका खोल्छ कसैले?”

तीनकुनेबाट गैह्रीगाउँ पुग्दैगर्दा फेरी केही मानिस गाडीबाट ओर्लन खोजे तर लामो बसमा चालक र परिचालकबिचको सम्वाद या संचार राम्रो हुन नसक्दा मानिसहरु झर्न पर्ने ठाउँमा झर्न पाएनन् र यात्रुहरुले झर्केर कराएपछि बल्ल चालकले गैह्रीगाउँ उकालोमा बस रोके ।

IMG_0294सिनामंगलसम्म जाने भनेपनि यात्राको यो रमाइलोले लोभ्याएको हुनाले हामी एयरपोर्टसम्म नै जाने बिचारमा भयौँ । बस एयरपोर्टभित्र पस्दा जसरी सुरक्षाकर्मीले अरु ट्याक्सी या निजी सवारीको चेकजाँच गर्थे त्यसरी चेक नगरीकन ‘सब ठिक छ हैन त?’ भनेर छोडिदिए । यो देख्दा साझामा चढेर बिमानस्थल त्यो पनि नेपालको एकमात्र अन्तरराष्ट्रिय बिमानस्थलको सुरक्षा लापरवाही प्रति अचम्म लाग्यो ।

बस बिमानस्थल भित्र त पुग्यो तर एक कतै नरोकिएर घुमेर फर्कियो । अन्तरराष्ट्रिय टर्मिनल अघि केही मानिसहरु निरर्थक हाल हल्लाउँदै थिए ।
हामी बसबाट नझरेपछि परिचालकले सोधिन र हामीले फेरी बानेश्वर पुग्ने भनेपछि राउण्ड ट्रिपका लागि रु १० को अर्को ट्रान्सफर टिकेट ल्याएर थमाइदिइन् ।
IMG_0331समग्रमा युरो मापदण्डका साझाले ल्याएका यी सवारीसाधनहरु निकै उपयोगी भएपनि ब्यवस्थापनमा देखिएका ससाना कमजोरीले जुन उत्साहका साथ यसको नाम लिएको पाएको थिएँ त्यस्तो पाउन मैले सकिन । साझालाइ बास्तवमै साझा बनाउनका लागि गर्नुपर्ने केही कामहरु यी पनि हुन झैँ लाग्यो ।

  • झर्ने र ओर्लिने ठाउँ निश्चित बनाएर त्यहाँ बोर्ड झुण्ड्याउने ब्यवस्था भए राम्रो ।
  • चालक र परिचालकबिच राम्रो सम्वन्यका लागि इयरफोन या बेलमार्फत कम्युनिकेशन राम्रो बनाइए   राम्रो ।
  • बस कुन स्टपमा कतिबेला आउँछ भन्ने कुराको संचार प्रभावकारी बनाइनुपर्ने ।
  • झर्ने या चढ्ने स्थानमै टिकट (सकेसम्म टेलर सिस्टमको) काट्ने ब्यवस्था मिलाइए राम्रो ।
  • मनोरञ्जनका लागि भन्दै बसभित्र राखिएको टिभी मोनिटरमै यी सवै कुराको जानकारी देखाइए यात्रुले प्रयाप्त सुचना पाउने ।

IMG_0339यतिका कुराहरु राख्न सके साझा यातायात सुरुदेखि नै ब्यवस्थित हुनेछ । नत्र साझा पनि बिस्तारै अरु यातायात झैँ हुनेहो कि भन्ने आशंका ब्यक्त गर्ने ठाउँ देखियो ।

About these ads

About baabajee

just human
This entry was posted in Article. Bookmark the permalink.

साझाको पहिलो यात्रा……….. मा 6 टिप्पणीहरु

  1. Kanti says:

    Bus chadhna napaya ni chadhya jhai lao……… Good analysis, Sambandhit pakshyale pakkai sudhar garla..:)

  2. tuldai says:

    मुस्कान त दह्रो छ है!

  3. Baburam says:

    Sajha busle aniyantrit rupama bhada liyer dukh dieka bhadaka sawari sadhanma dinahu yatra garne yatrulai dherai rahat anubhav bhaeko chha. yesle aru sawari sadhanlai sahi bhada lin sikaune chha. thau thauma roker yatru parkhne bus wa micro lai yatru chadhaune ra oralne path dine chh. tar bus sarai dhilo gatima chalne ra gap kati ho? bhanne thaha nadiekole kehi yatru almalieko pani paiyo. lagankhelbat teaching aauna jhandai 2 ghanta lagne ho bhane hide bhai halyo ni. samayalai pani dhyan dier chalaun paryo.

  4. Punam Shreesh says:

    The suggestions you have given at last are highly required to proper management the SajhaBus service.

जवाफ लेख्नुहोस्

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )